School of Missiology

Fruits for Life Ministry

📌 Fruits for Life Ministry, School of Mission နှင့်စပ်လျဉ်း၍ သိထားသင့်သည့်အချက်များ

1. Fruits for Life Ministry သည် ၂၀၁၆ ခုနှစ်မှစ၍ မြန်မာနိုင်ငံတွင် သာသနာပြုသင်တန်းများပြုလုပ်ခြင်း၊ တိုင်း၊ မြို့နယ်အသီးသီးတို့တွင် သာသနာပြုလုပ်ငန်းများ လုပ်ဆောင်ခြင်းတို့ဖြင့် အစပြုခဲ့ပါသည်။ ၂၀၂၂ မှစ၍ ထိုင်းနိုင်ငံ၊ ၂၀၂၆ တွင် မလေးရှားနိုင်ငံတို့ရှိ မြန်မာလူမျိုးများထံ သာသနာပြုလုပ်ငန်းများ လုပ်ဆောင်လျက်ရှိနေပါသည်။
2. ယခု School of Mission သည် Fruits for Life Ministry အတွက် ဘုရားသခင်ပြင်ဆင်ပေးသော သာသနာပြုလုပ်ဆောင်ခြင်းလုပ်ငန်း နောက်တဆင့်ဖြစ်ပါသည်။ အဓိကအားဖြင့် မြန်မာလူမျိုးများအကြား သာသနာပြုခြင်းလုပ်ငန်းကို ကျွမ်းကျင်ထိရောက်၊ နည်းစနစ်မှန်ကန်စွာ လုပ်ဆောင်နိုင်ရန် ရည်ရွယ်၍ Ministry ၏ သာသနာလုပ်ငန်းတစ်ခုအနေဖြင့် လုပ်ဆောင်ခြင်းဖြစ်ပါသည်။
3. School of Mission သည် ငွေကြေးရရှိခြင်းအလို့ငှာ ဖွင့်လှစ်သောသင်တန်း မဟုတ်ပါ။ သို့သော် ကျောင်းသား/သူများမှ အသက်သာဆုံး ကျောင်းလခကို ပေးသွင်းကြရမည်ဖြစ်ပါသည်။ ထိုကျောင်းလခငွေကြေးများကို Fruits for Life Ministry ၏ သာသနာလုပ်ငန်းများတွင် သာ၍ကျယ်ပြန့်ခြင်းအလို့ငှာ အသုံးပြုသွားမည်သာ ဖြစ်ပါသည်။
4. ကျောင်းသူ/သားများ ဘာသာရပ်များကို ကျွမ်းကျင်တတ်မြောက်စေရန်အလို့ငှာ မြန်မာဘာသာဖြင့် ပြောဆိုသင်ကြားပေးမည်ဖြစ်ပါသည်။ သို့သော် Master program အတွက် Text books များ၊ Handouts များသည် အင်္ဂလိပ်ဘာသာဖြင့် ပြုစုထားသော စာအုပ်စာတမ်းများ ဖြစ်မည်။
5. Fruits for Life Ministry, School of Mission သည် ဧဝံဂေလိခရစ်ယာန်တို့၏ ယုံကြည်ခံယူချက် (Evangelical Belief) အပေါ် ခိုင်မာစွာရပ်တည်ပါသည်။ ဂိုဏ်းဂဏတစ်ခုခု၊ အသင်းတော်တစ်ခုခု၊ လူပုဂ္ဂိုလ်အဖွဲ့အစည်းများအပေါ်တွင် နောက်ခံထားလျက် ရပ်တည်လုပ်ဆောင်နေခြင်း မဟုတ်ပါ။ အမေရိကန်ပြည်ထောင်စု၊ အီလီနွိုင်ပြည်နယ်တွင် 501C(3) non profit organization အဖြစ် မှတ်ပုံတင်ထားသော အဖွဲ့အစည်းသာ ဖြစ်ပါသည်။
6. School of Missiology တွင် သင်ကြားပေးမည့်ဆရာများသည် ဓမ္မပညာရပ်များကို ကျွမ်းကျင်တတ်မြောက်ထားသူများဖြစ်ပြီး၊ အထူးသဖြင့် သာသနာပြုခြင်းဆိုင်ရာ ဘာသာရပ်များကို အထူးပြုတတ်မြောက်ထားကြသူများ ဖြစ်ပါသည်။ သင်ကြားပေးမည့် Program သည်လည်း သာသနာပြုခြင်းကို ဦးစားပေးအခြေပြု သင်ကြားပေးမည်ဖြစ်ပြီး၊ လက်တွေ့အမှုတော်မြတ်နယ်ပယ်တွင် ထိရောက်စွာ အသုံးပြုနိုင်ရန် ဖြစ်ပါသည်။ သင်ခန်းစာများအားလုံးတို့သည်လည်း ဧဝံဂေလိအသင်းတော်များမှ (evangelical churches) လက်ခံထားသော ဓမ္မပညာရှင်များမှ ရေးသားထားသော စာအုပ်စာတမ်းများကိုသာ အခြေပြုပါသည်။ သင်ခန်းစာအားလုံးပြီးမြောက်အောင်မြင်သွား၍ ဘွဲ့ရရှိလျှင် သက်ဆိုင်ရာအသင်းတော်များတွင် သာသနာပြုသင်းအုပ်များ၊ ဘုရားသခင်စေလွှတ်သော နယ်မြေဒေသအသီးသီးတွင် သာသနာပြုများ၊ သာသနာပြုခြင်းဆိုင်ရာ ဘာသာရပ်များကို သင်ကြားပေးနိုင်သည့် ဆရာများအဖြစ် ထိရောက်စွာ ပါဝင်ဆက်ကပ်နိုင်ကြမည် ဖြစ်ပါသည်။

💳 ကျောင်းလခ သတ်မှတ်ချက်များ (တစ်လအတွက်)

သက်ဆိုင်ရာ နိုင်ငံအလိုက် ကျောင်းလခ သတ်မှတ်ချက်များမှာ အောက်ပါအတိုင်း ဖြစ်ပါသည်။

📜 လိုက်နာရန် စည်းကမ်းချက်များ

သင်တန်းတက်ရောက်ရန် ရွေးချယ်ထားခြင်းခံရပြီးပါက အောက်ပါ စည်းကမ်းချက်များကို လိုက်နာရမည်ဖြစ်ပါသည်-

1. သင်တန်းကို မလွှဲမရှောင်သာ (unavoidable circumstances) အခြေအနေမျိုးမှလွဲ၍ ဘွဲ့ရသည်အထိ ပြီးဆုံးအောင် တက်ရောက်နိုင်ရပါမည်။
2. Zoom ဖြင့် သင်ခန်းစာသင်ယူနေစဉ် အချိန်အတွင်း Zoom ကင်မရာကို (အရေးပေါ်ကိစ္စ အခြေအနေမှလွဲ၍) ပိတ်ထားခွင့်မရှိပါ။
3. သတ်မှတ်ထားသော ကျောင်းလခများကို လစဉ်ပထမပတ်၏ နောက်ဆုံးရက် (last day of the first week of the month) နောက်ဆုံးထား၍ သက်ဆိုင်ရာ ငွေကြေးဘဏ်အကောင့်များသို့ မပျက်မကွက် ပေးသွင်းကြရမည်။ ငွေကြေးအခက်အခဲရှိ၍ သတ်မှတ်ရက်အတွင်း မပေးသွင်းနိုင်ပါက ရက်ရွှေ့ခွင့်တောင်းခံနိုင်သည်။ သို့သော် ကင်းလွတ်ခွင့် မရပါ။
4. ဘာသာရပ်တစ်ခုလျှင် သင်ခန်းစာသင်ကြားရက်ကို မလွှဲမရှောင်သာ အခြေအနေမျိုးမှလွဲ၍ (၂) ကြိမ်ထက် ပျက်ကွက်ခွင့်မရှိ။ ပျက်ကွက်နိုင်သည့် ထိုအကြိမ်အတွက် ကြိုတင်ခွင့်ကို မော်ကွန်းထိန်းထံ တိုင်ကြားရမည်၊ အရေးပေါ်အခြေအနေဖြစ်လာ၍ ပျက်ကွက်ခွင့် ကြိုတင်မတိုင်ကြားနိုင်လျှင် ကျောင်းသား messenger group တွင် ရေးသားနိုင်သည်။
5. Zoom ဖြင့် သင်ကြားပေးမည်ဖြစ်သောကြောင့် သင်တန်းရက်များကို ကျောင်းသားအားလုံး တက်ရောက်နိုင်မည့်ရက်၊ အချိန်ကို သတ်မှတ်မည်။ သို့သော် လိုအပ်လျှင် အခြေအနေအရ ပြင်ဆင်သတ်မှတ်မည်ဖြစ်သည်။ တစ်ပတ်လျှင် (၂) ရက် တက်ရောက်ကြရမည်ဖြစ်ပြီး၊ တစ်ရက်လျှင် (၂-၃) နာရီ အချိန်ကြာမြင့်မည်ဖြစ်သည်။
6. သက်ဆိုင်ရာ ဘာသာရပ်သင်ကြားသည့် ဆရာများမှ သတ်မှတ်ထားသော အလုပ်/တာဝန် (Assignments) များကို သတ်မှတ်ထားသော ရက်အတွင်း သင်ကြားပေးသည့်ဆရာထံ တင်ပြလုပ်ဆောင်ကြရမည်ဖြစ်သည်။ သတ်မှတ်ရက်အတွင်း မတင်နိုင်ပါက (failure for submission on due time) ရက်ရွှေ့တင်ပြခွင့် ကြိုတင်တောင်းခံနိုင်သည်။ သို့သော် သတ်မှတ်ရက်ထက် (၂) ပတ်ကျော်လွန်၍ ခွင့်မပြုပါ။
7. Bachelor program အတွက် Assignment များကို စာရွက်ပေါ်တွင် မြန်မာဘာသာဖြင့် ရေးသားခြင်း (ဖြစ်နိုင်လျှင် ကွန်ပျူတာဖြင့် ရိုက်နှက်ခြင်း) ကို ခြွင်းချက်အနေဖြင့် ခွင့်ပြုပေးမည်ဖြစ်ပြီး၊ Master program ကျောင်းသားများမူကား၊ (အင်္ဂလိပ်ဘာသာ + မြန်မာဘာသာဖြင့်) ရေးသားလျက် ကွန်ပျူတာဖြင့်သာ ရိုက်နှက်တင်ပြရမည်။
8. ကျောင်းသားတစ်ဦး၏ ဂုဏ်သိက္ခာနှင့် မညီသောအပြုအမူများ (ဥပမာ- သင်တန်းအချိန်ကာလတွင် ညစ်ညူးသောစကားများ ပြောဆိုခြင်း၊ ဆရာသမားများကို တိုက်ခိုက်ပြောဆိုခြင်း၊ ကြမ်းတမ်းသော စကားများဖြင့် ပြောဆိုဆွေးနွေးခြင်း) ပြုမူပါက သတိပေးခြင်းခံရမည်၊ ထပ်မံပြုမူလုပ်ဆောင်လာပါက သင်တန်းမှ ထုတ်ပယ်ခြင်းခံရမည်။ ထိုအခြေအနေမျိုး ဖြစ်လာပါက ကျောင်းသားများ ပေးသွင်းထားပြီးသော ကျောင်းလခများအား ပြန်လည်ထုတ်ပေးမည် မဟုတ်ပါ။
9. သင်ခန်းစာများနှင့် စပ်လျဉ်းသော ပြဌာန်းစာအုပ်များ (Text books)၊ အညွှန်းစာအုပ်များ (Reference books) များအား ကျောင်းမှ ကျောင်းသားများထံ ကြိုတင်ပေးပို့မည်ဖြစ်သည်။ သက်ဆိုင်ရာ နိုင်ငံအလိုက် ကျောင်းသားတာဝန်ခံများမှ မိတ္တူကူးယူဖြန့်ချီကြရမည်။ စာအုပ်တန်ဖိုးနှင့် စာအုပ်များ ပို့ဆောင်ခ (Shipping cost) များကို ကျောင်းသားများမှ ပေးဆောင်ကြရမည်။
10. သင်ခန်းစာနှင့် စပ်လျဉ်းသော Powerpoints, Handouts များကို သင်တန်းဆရာများမှ ပြုစုပေး၍ ကျောင်းသားများ Email သို့မဟုတ် ကျောင်းသား Portal တွင် တင်ထားပေးမည်။ မိမိအစီအစဉ်ဖြင့် Download ယူ၍ သိမ်းထားရန်ဖြစ်သည်။ ကျောင်းသားများမှ ကိုယ်ပိုင် အီးမေးလ်အကောင့်များ ရှိထားရန် လိုအပ်မည်ဖြစ်သည်။
11. သင်တန်း (Program) ပြီးဆုံးပါက ဘွဲ့အပ်နှင်းရန် လိုအပ်သော စာမေးပွဲများ၊ စာတမ်းများပြုစုခြင်းတို့ကို ပြုလုပ်ကြရမည်ဖြစ်သည်။ ပြုလုပ်ရန် ပျက်ကွက်ပါက သင်တန်းမပြီးဆုံးဟု သတ်မှတ်ပြီး ဘွဲ့အပ်နှင်းခြင်း ခံရမည်မဟုတ်ပါ။
12. ကျောင်းသူ/ကျောင်းသားများအားလုံး တစ်လတွင် တစ်ကြိမ် Zoom အားဖြင့် ဝတ်ပြုကိုးကွယ်ခြင်း ရှိပါမည်။ အားလုံးမပျက်မကွက် ပါဝင်ကြရမည်။

ကျောင်းအပ်နှံရန်နှင့် အသေးစိတ်စုံစမ်းရန်

Contact Us သို့ ဆက်သွယ်ရန်